रेशमाच्या रेघानी लाल काळ्या धाग्यांनी,
कर्नाटकी कशिदा मी काढीला हात नका लावू माझ्या साडीला.
कर्नाटकी कशिदा मी काढीला हात नका लावू माझ्या साडीला.
नवी कोरी साडी लाख मोलाची, मोलाची
भरली मी नक्षी फुल येलाची येलाची..मी येलाची
गुंफिले राघू मोर, राघू मोर जोडीला
हात नका लावू माझ्या साडीला
कर्नाटकी कशिदा मी काढीला हात नका लावू माझ्या साडीला.
जात होते वाटन मी तोऱ्यात मी तोऱ्यात
जात होते वाटन मी तोऱ्यात मी तोऱ्यात
अवचित आला जी माझ्या होऱ्यात जी होऱ्यात
तुम्ही माझ्या पदराचा शेव काहो ओढीला
हात नका लावू माझ्या साडीला
भीड काय ठेवा आल्या गेल्याची
मुरवत राख दहा डोळ्याची
मुरवत राख दहा डोळ्याची , हो डोळ्याची
काय म्हणू बाई बाई तुमच्या या खोडीला
हात नका लावू माझ्या साडीला
हात नका लावू माझ्या साडीला
कर्नाटकी कशिदा मी काढीला हात नका लावू माझ्या साडीला
- लेखिका - शांता शेळके
गायिका - आशा भोसले
No comments:
Post a Comment