शाळेत असताना अनेक अप्रतिम कविता वाचनात आल्या, काही कविता कधीतरी मधेच आठवतात. आठवणींना उमाळा येतो. ज्या कविता थोड्या फार आठवतात, त्यांना शोधण्याचा प्रयत्न करतो आणि इतरा पर्यंत पोहचविण्याचाही. शक्य तेवढी माहिती मी देण्याचा प्रयत्न करेल. तुम्हाला जर अधिक माहिती असेल तर जरूर कळवा.
The place for the renowned Marathi Poems (Kavita) and Songs (Gaani).
रंगात रंग तो श्यामरंग, पाहण्या नजर भिरभिरते ऐकून तान, विसरुन भान, ही वाट कुणाची बघते त्या सप्तसुरांच्या लाटेवरुनि साद ऐकुनि होई राधा ही बावरी, हरीची, राधा ही बावरी
हिरव्या हिरव्या झाडांची पिवळी पाने झुलताना चिंब चिंब देहावरुनी श्रावणधारा झरताना हा दरवळणारा गंध मातीचा मनास बिलगुन जाई हा उनाड वारा गूज प्रीतिचे कानी सांगुन जाई त्या सप्तसुरांच्या लाटेवरुनि साद ऐकुनि होई राधा ही बावरी, हरीची, राधा ही बावरी
आज इथे या तरुतळी सूर वेणूचे खुणावती तुज सामोरी जाताना उगा पाऊले घुटमळती हे स्वप्न असे की सत्य म्हणावे राधा हरखून जाई हा चंद्र चांदणे ढगांआडुनि प्रेम तयांचे पाही त्या सप्तसुरांच्या लाटेवरुनि साद ऐकुनि होई राधा ही बावरी, हरीची, राधा ही बावरी